Wär steckt hingerem Houz?

I bi ke Designer. Ke Schriiner mit Diplom.

Aber eine, wo gärn mit de Häng schafft – mit Maschinä, mit Wächzüg, mit Holz.

Was mau aus Hobby aagfange het, isch mit dr Zyt zurä Liebi wordä:

Auts Houz ufbereitä. Nöis drus mache. D Idee umsetzä. Dr Duft vom gschliffänä Houz, z’Brumme vo dä Maschinä, dr erscht suber Schnitt – das isch für mi meh aus nume Wärchä. Das isch Läbä.

Ig schaffä mit dem, was da isch.

Mit Authouz, mit Charakter, mit Eggä und Kantä. Jedes Stück isch Handarbeit – eifach, ächt, ohni Schnickschnack. Ke Massäwar. Aber mit Härzbluät gmacht.

Mini Liebi zum Handwärch isch gross.

S’Zämewürkä vo Mönsch und Maschinä, wo öppis Duurhafts schafft. I luegä uf d’Details – suberi Übergäng, s’Gfüäu bim Aalängä, und es Houz, wo lachät.

Dr OBI isch mini zwöiti Heimat – und Bosch-Maschinä wermä mis Härz.

Dert fingt mä mi, woni grad wider öppis am Zämäbouä  oder nöii Ideeä am Umsetzä bi.

We öpper öppis vo mir chouft, chouft är nid nume es Produkt.

Är chouft es Stück Gschicht. E Portion Liebi. Für Lüt, wo s’Ächtä schetzä u säch öppis mit Sinn wei gönnä.

Märcu von 594